مصطفى يونس: «اتنصب عليا وخسرت الجلد والسقط في 10 أيام» - فيديو

تحدث الكابتن مصطفى يونس، عن الشخص الذي كان سببًا في تعرضه للنصب، قائلًا: "أنا اتنصب عليا وخسرت الجلد والسقط، في 10 أيام بس".

وقال يونس، خلال استضافته ببرنامج "الستات"، المذاع على قناة النهار: "ضمنت واحد بيلعب معايا جابلي مراته وعياله وقالي الحقني وبعت اللي معايا كله وخسرت كل حاجة".

وأضاف: "مراتي وأهلها وقفوا جمبي، والحمد لله عديت بالأزمة دي، بقالنا أكتر 22 سنة، ولو أنا مدلعتش مراتي وهي كمان يبقى مش متجوزين، لازم أفضل محافظ على الكلام ده، لحد ما يبقى عندي 100 سنة".

وتابع: "لو رجع بيا الزمن هندم على أني معملتش حساب لبكره، كله كان بيروح لأخواتي وأهلي وعيالي، مكنتش بحوش فلوس، بعكس ناس كتير عملوا ملايين".