والد ياسمين صبري: «اتجوزت من ورايا وطعنتني في ضهري»
آثار أشرف صبري، والد الفنانة ياسمين صبري حالة من الجدل مجددًا بعد نشره صور خطوبتها الأولى، ومن خلالها وجه رسالة شديدة اللهجة لابنته؛ بسبب عدم حضورها حفل زفاف شقيقها، مؤكدًا أنه متبرأ من زيجتها الثانية.
وكتب على صفحته الرسمية عبر موقع التواصل الاجتماعي «فيس بوك» قائلًا: «بعد ما سمعت أكاذيب بنتي اللي ربيتها في بيتي وكانت صاحبة البيت وعندها شغالة وقدرت تطعن أبوها في ضهره، قرايبنا اللي كانوا بيجوا عندنا كانوا بيشوفوها ولما كبرت جيبتلها عربية ياريت الناس اللي يعرفونا وجم بيتنا يردوا ويقولوا ياسمين كانت عايشة في بيتي إزاي في كل مراحلها وإزاي اتخطبت وعملتلها أجمل حفلة ودي صورها».
وأضاف: «الكدب ده بيبرر بالنسبة لها سبب عدم حضورها فرح أخوها، أنا عملت لها حياة كريمة راقية ومحترمة، وماكنتش فاكر إن الرد هيكون كده؛ والسر اللي الناس ما تعرفوش إنها اتطلقت من الراجل المحترم الدكتور ده بسبب أمها لأنه حكالي وقالي أمها خربت بيتنا».
واختتم صبري حديثه قائلًا: «اتجوزت من ورايا وبدون علمي بعد التربية اللي عملتهالها وعشان كده أنا مش معترف بجوازها اللي من ورا ضهري ده وحسبي الله ونعم الوكيل».
