مرتضى منصور يعلن دفاعه عن هناء حمزة وابنتها ضد مجلس الأهلي

أكد المستشار مرتضى منصور رئيس نادي الزمالك، انه سيدعم بقوة مريم مصطفى لاعبة الاهلي ومنتخب مصر وابنة هناء حمزة نائب رئيس الكرة الطائرة، في ازمتها مع الفريق الاحمر وشدد على انه لو ثبت تزوريهم للعقد فإنهم معرضون للحبس.

وقال مرتضى في تصريحات ببرنامج زملكاوي عبر قناة الزمالك: “الاهلي اكبر من بنت هناء حمزة، ده وضع طبيعي واكبر من اي حد من ولاده، والزمالك اكبر من مرتضى وجمال واي حد”.

واضاف:” من فتره في لاعب اسمه جدو وبيقل ادبه دلوقتي مش مشكله، عمل عقد مع الزمالك زي مابنت هناء حمزة عملت عقد، هو وقع على بياض وممدوح عباس ملأ العقد مخالف للي اتفقوا عليه، وجدو راح لاهلي قالهم الحقوني الحقوني وقدموا بلاغ، والنيابه عملت ضبط واحضار لاعضاء مجلس الزمالك”.

وشدد مرتضى:”خش زووم يا ابني على اللي هيتحسبوا من مجلس الاهلي هم ومحاميهم، اللي هيتحبس يوم السبت وواخد سنة سجن، وقولت عندك كورونا ورحت بعدها 3 ايام تقدم بلاغ ضد البنت”.

وأوضح:”مجلس الاهلي هيتحبسوا 3 سنين، لأن البنت مضت على بياض وهم كتبوا العقد بعد ما وقعت، وانا واقف وراها لحد اخر المشوار، وبطلوا سفالة لوالدتها، دي كابتن مصر والاهلي هناء حمزة لمدة 18 سنه بتتسب وتتشتم”.

واستطرد مرتضى:” الموضوع سهل النيابة هنعرف هل الخط بعد التوقيع ولا قبله، ولو كان بعد التوقيع العقوبة وفقا للقانون 3 سنين سجن، ولو ثبت ان التوقيع بعد كتابة العقود البنت من حقكم، وامها تتشتم واعراض، لالا يا وزير الشباب انت فين؟، قاعدين نتفرج عليها هي وامها متبهدلين، طيب انا متحمل وانما بنت صغيرة”.

وأردف:” انا معرفش انها جت للزمالك ولا وقعت لنا، علشان بيقولوا لازم ننتصر على مرتضى الموضوع بسيط النيابة تفصل”.

وواصل منصور:” بنت صغيرة وطفلة، كل ده علشان ابنة هناء حمزة تزل الانتخابات مع محمود طاهر، ايه الافتراء ده انتم مين مفيش كده مفيش افترا كده جوز خالته اتفصل ابراهيم عبد الصمد و البنت بتبهدلوها”.

وأكمل:” مين حمدي الصافي ده، كل ده علشان ابنها نزل الانتخابات، وعامل للبنت شرط جزائي 3 ملايين، ادخل ياوزير الشباب لحل المهزلة دي”.

وزاد:” في بنت اسمها دعاء لاعبة الزمالك راحت الاهلي في ستين داهية انتٍ وفؤاد عبد الباقي خالك، وعندها اخت في النادي قولتهم عاملوها كويس وضعوها فوق الرؤوس”.

واستكمل: “شروق فؤاد قالت الزمالك جري ورايا انت كدابة، الكاميرات والمكالمات تشهد، بس قالولك مصيرك زي بنت هناء حمزة، فطلعتي البيان، هي مين علشان نجري وراها”.

واختتم:” واحد ف الاتحاد الافريقي، اسمه فؤاد عبد السلام كلم واحد ابو بنت من اللي وقعوا للزمالك، وقاله هتزعل بيبو، قولت لابو البنت تعالى اشتغل في الزمالك، انتم بتهددوا الناس، مالك يا ياسر ياقمر خايف من ايه من الضغوط اعمل الصح متخافش من زمالك او اهلي”.