مصطفى بكري: «أنا نذرت نفسي لمصر ولازم نقف في صف بلدنا»
قال الإعلامي مصطفى بكري، إن الرئيس المعزول محمد مرسي هدد الجيش المصري والمشير طنطاوي في حضور الرئيس عبد الفتاح السيسي، في حالة عدم فوزه في الانتخابات الرئاسية.
وأضاف بكري، خلال برنامج "حقائق وأسرار"، المذاع على قناة صدى البلد، أن الإخوان حاولوا إعادة مجلس الشعب غير الشرعي، وحاول "مرسي" تأدية القسم الدستورية على الهواء، مردفا: لن نصدق الكاذبون والمتآمرون.
وعن حركة المحافظين قال الإعلامي مصطفى بكري: "انتوا نايمين ليه والله في محافظين من سنة ونصف قاعدين ومستنين التغيير، اللي بيحصل ده مش من مصلحة البلد، وأنا عارف إن الحركة خلصانة، متطلعش ليه؟، هو إحنا هنفضل نستنى مزاج الحكومة؟.. لا بد من تخفيف الحمل على الدولة".
وطالب بكري الحكومة بإصدار حركة المحافظين في أقرب وقت، مردفا: "هو إحنا بنخاطر بنفسنا وعلى قوائم الاغتيال ليه؟ أكيد عشان البلد، أنا نذرت نفسي لمصر، وكان ممكن أقعد على جنب وأعمل فيها مهني ومحايد لكن الحياد حاليا خيانة ولازم نقف في صف بلدنا.. تحيا مصر رغم أنف الحاقدين".
