«مش تمن فاتورة كهرباء».. أديب: رحلات الغردقة بـ300 جنيه إسترلينى للإنجليز

علق الإعلامي عمرو أديب، على الإعلان الخاص بشأن بتقديم رحلات بقيمة 300 جنيه إسترلينى أي ما يوازي 6 آلاف جنيه في 7 أيام «للشعب الإنجليزى والسياحة الإنجليزية.

وقال: واكل شارب نايم مسافر.. يعنى المواطن الإنجليزى مبيدفعش الكلام ده ثمن فاتورة كهرباء في بريطانيا«.

وأضاف «أديب»، خلال تقديمه برنامج الحكاية عبر فضائية «أم بي سي مصر»: «الغردقة تباع بـ 300 جنيه إستريلنى 7 أيام يا بلاش، لو كانوا 500 جنيه إسترليني إيه اللي هيحصل».

وأشار: «ليه وليه حرق الأسعار هو العدد في الليمون وخلاص وأين قرارات وزارة السياحة»

وأردف: «لما ييجوا كتير مصر ييجوا بالسعر العادل ويدفعوا ثمن كويس لأننا نستحق سعر عادل ولا يخسفوا مصر حقها».

وأشار عمرو أديب إلى أنه لابد أن يتم تقديم سعر عادل، لكن مينفعش الرحلة تكون 7 أيام بالسعر ده، إحنا عايزين سياحة بس مينفعش نكون واقعين ونعرض بالأسعار دى.