بعد فبركة أخبار على لسانها.. ياسمين عز: «أنا مش ملطشة وهرد يا حبيبي»

علقت الإعلامية ياسمين عز، على ما تداوله البعض على لسانها: "لو زوجك على علاقة بواحدة تانية معناها أنه راجل محبوب"، قائلة: "أنا مقولتش كده، ده كلام مفبرك".

وقالت ياسمين، خلال برنامجها: "كلام الناس"، المذاع على قناة إم بي سي مصر: "أنا مش طالعة اتكلم عن نفسي، أنا بقدم برنامج ليه طابع خاص، لكن لما المواضيع تطلع عن حجمها، هرد ومش هيهمني".

وأضافت: "لقيت كاتبين إني قولت لو جوزك في علاقة مع واحدة تانية يبقى جوزك راجل محبوب، ده كلام مش صح، وأنا مش ضعيفة عشان أقول كدا، تحسه كلام حد أهبل، قاعد فاضي، أنا مش ملطشة، هطلع وهرد يا حبيبي".

وتابعت: "مش أنا اللي أقول الكلام ده، أنا عندي صحاب وأهل وحياة اجتماعية، مش بدعي ولا بقول حاجه على الشاشة وبره حاجة".

وواصلت: "كوني ناعمة وأنثى، لكن كوني قوية برده، واللي قال ده كلام غير محترم".