«جمع 40 مليون جنيه».. نجاح حملة إنقاذ الطفلة سيلين من ضمور العضلات

أعلنت الصفحة الرسمية لحملة التبرع للطفلة سيلين أيمن، المصابة بالضمور العضلي الشوكي، نجاح مهمة جمع مبلغ 40 مليون جنيه لشراء الحقنة الأغلى في العالم.

وقالت الصفحة الرسمية لحملة التبرع: "الحمد لله يا رب على كرمك الواسع، تمت المهمة بنجاح بفضل ربنا ثم بتبرعاتكم ووصلنا لــ 40 مليون جنيه، تمن الحقنة الأغلى بالعالم يا سيلين".

وأضافت: "شكرا للشعب المصري اللي فعلا وقت الأزمات بيبان، شكرا للجاليات العربية اللي شاركوا من دول كتير مختلفة ولكل حد كان بيعمل لنا شير".

وتابعت: "الشكر الأخير بقي لكل متطوع إدي وقت ومجهود وأولهم فريق عظيم اسمه خلية نحل إنقاذ سيلين، وشكر كبير للفريق اللي دخلنا تويتر أكتر من مره بدون ما حتي نطلب".