مفيدة شيحة لأهل الفنانة شيرين: «اقفلوا بقوكوا شوية عيب كده»

وجهت الإعلامية مفيدة شيحة، رسالة لأهل الفنانة شيرين عبد الوهاب، بعد التصريحات التي أدلوا بها أمس، عن الفنانة، حول تعاطيها للمخدرات.

وقالت مفيدة شيحة، خلال برنامجها "الستات"، المذاع على قناة النهار: "شيرين كأنها في حرب، قدام فريقين، ربما تحتاج مزيد من الحكمة، لكن في طرف تاني مش عايز لها الخير وبيعمل شر عشان يأذيها، وموجودين جمب شيرين".

وأضافت: "إحنا في مرحلة معقدة أوي في حياة شيرين، سيبوها تقرر بنفسها، هي متجننتش، ومش عيل صغير، هي فقط بتمر بظروف صعبة".

وتابعت: "أنا طالبه من عيلة شيرين يقفلوا بقهم، لكن تسيحي لبنتك على مواقع التواصل الاجتماعي، ده منتهى العنف والقسوة".

وأكملت موجهة حديثها لوالدة شيرين: "أنتي كده مش بتفيدي شيرين، أنتي كده جبتي سكينة وضربتيها في قلبها، اقفلوا بقوكوا، إحنا مش عايزين نعرف حاجة عن حياتها الخاصة".