نهاد أبو القمصان عن زوجها حافظ أبو سعدة: «ستات كتير كانت بترسم عليه»
تحدثت المحامية نهاد أبو القمصان، عن علاقتها بزوجها الراحل، حافظ أبو سعدة، وسبب اختلافهما في ثالث يوم زواج.
وقالت نهاد أبو القمصان، خلال استضافتها ببرنامج "الستات"، المذاع على قناة النهار: "عمري ما غرت عليه، مرة إيده ورمت فخلع الدبلة، ولبسها بعدها بفترة طويلة، وطول الفترة دي كنت عارفه وشايفه بعيني أن في ستات بترسم عليه".
وأضافت : "كان عنده منصب دولي ومصري وكاريزما، مكنتش أعلق خالص لما أشوف الستات بترسم عليه".
وتابعت: "اختلفنا في تالت يوم جواز، وكنت مضايقة عشان هو نايم وأنا بصحى بدري، ومش عايزه أقعد لوحدي، والخناق حاجة مهمة جدا، وصحية، لأن الطرفين بيبدأوا يطبعوا على بعض".
