حسام حبيب: أهل شيرين خدوها بالبيجامة تحت التهديد بسلاح أبيض «مطواة» وكانت حافية
قال الفنان حسام حبيب، طليق الفنانة شيرين عبد الوهاب، إن شيرين تعرضت لاعتداء وسحل من قبل أقرب المقربين منها، حيث وصل أهلها إلى الشقة التي تعيش بها وقاموا بتهديدها بسلاح أبيض "مطواة"، وخدوها وكانت بالبيجامة وحافية.
وقال حبيب في مداخلة هاتفية ببرنامج «الحكاية»، مع الإعلامي عمرو أديب:«أنا معملتش أغنية من يوم ما اتجوزت شيرين، لا لحنت ولا غنيت أغنية»، متابعا: «ليه أهل شيرين مودهاش المستشفى غير بعد بيان التصالح».
واستكمل حبيب: «اتطلقنا لأن أنا كنت مش عاوز الناس المحيطة بيها، وعشان كدا قالت بعدها إن أنا حوشتها عن الناس، واتصالحنا بعد ما شيرين حلقت شعرها في حضور أهلي وأهلها ورجعنا كأزواج، الطلاق كان رسمي وبورق لكن رجعنا من غير ورق».
وأشار حسام إلى أنه «بحب شيرين جدا، وعمري ما استغلتها في حاجة، وكانت بتتكلم عني بشكل غير حقيقي تماما وبتهاجمني، لكن أنا مهجمتهاش أبدا وكل اللي قولته إن تصريحاتها غير متزنة».
وتابع حسام حبيب: «في فرق كبير جدا بين إني رجعت لشيرين عربيتها وبين إني تنازلت عن عربيتي، شيرين جابتها هدية ليا وبالتالي هي عربيتي، وعلى فكرة العربية رجعت قبل البيان وبكتير، وفي حد من المحيطين بيها خد العربية في نفس اليوم».
واختتم: «أقسم بالله الناس اللى جم خدوا شيرين كان فيهم واحد شايل مطوة، نازلة حافية ببجامة، واتخدت بعربية بمطوة وسحل واتشتمت بأقذر الشتايم وشعرها اتقطع».
