السيسي: اللي عايز يعرف معايا فلوس قد إيه يعمل اللي هقوله عليه.. فيديو

حذر الرئيس عبد الفتاح السيسي، من خطورة الزيادة السكانية، قائلا: "الناس اللي بتقولي أنت معاك فلوس وبتصرف بالميارات أنا بقولها في حاجة اسمها زيادة سكانية عايزة مليارات أكتر من كدا عشان تكفيها".

وأضاف الرئيس السيسي، خلال كلمته اليوم، الثلاثاء، بالمؤتمر الاقتصادي 2022: "مينفعش تخلف 10 أطفال وتيجي تقولهم الدولة مش عارفة تأكلكم".

وتابع: "عايزين تعرفوا معايا فلوس قد إيه، اللي عايز يعرف معايا كام فلوس يبص على الموازنة و يشوف الوارد والصادر، اعملوا اللي بقولكم عليه هتعرفوا معايا فلوس قد إيه".

ويشهد اليوم الثلاثاء، ختام فعاليات المؤتمر الاقتصادى- مصر 2022، الذي تنظمه الحكومة المصرية، تحت رعاية الرئيس عبدالفتاح السيسي، خلال الفترة من 23 إلى 25 أكتوبر 2022، لمناقشة أوضاع ومستقبل الاقتصاد المصري، بمشاركة واسعة لنخبة من كبار الاقتصاديين، والمفكرين، والخبراء المتخصصين.

ويستهدف المؤتمر التوافق على خارطة الطريق الاقتصادية للدولة خلال الفترات المقبلة، واقتراح سياسات وتدابير واضحة تسهم في زيادة تنافسية ومرونة الاقتصاد المصري، كما سيشهد المؤتمر الإعلان عن عدد من الحوافز لقطاع الصناعة والمصدرين لتحقيق المستهدفات القومية.