السيسي: «قولنا هنوفر فرص عمل في كل حته بالدنيا»
قال الرئيس عبد الفتاح السيسي، إنه يسعى إلى تحقيق التوازن في إدارة الدولة.
وأضاف السيسي، في كلمته الختامية بالمؤتمر الاقتصادي: "من ضمن الحاجات اللي اتكلمنا فيها نوفر فرص عمل، لما بيكون حد شغال في حته، وأقوله أنت بتاخد كام، يضحك، أنا بسأله كده عشان أشوف الإنسان البسيط ده، بياخد كام، وأعرف هل هو يقدر يعيش كده، ولا الدنيا عامله إزاي".
وتابع: "أنا ماشي على الطريق الساحلي، لقيت شاب صغير، عنده 18 أو 19 سنه، قولتله أنت بتعمل إيه، قالي بفتح في الخرسانه بالمنشار، والله العظيم اتصورت هيقولي باخد 100 جنيه أو 120 جنيه، قالي أنا باخد 180 جنيه".
وأكمل: "لأن إحنا قولنا هنعمل فرص عمل في كل حته في الدنيا تجتذب طبقات بسيطه، ومحدودة، إحنا شغالين في الكلام ده بقالنا 7 سنين، مش أقل من 6 مليون إنسان شغالين على كامل الأرض المصرية".
