عمرو أديب عن فوز الأهلي بالسوبر: «ليلة زرقاء على دماغنا».. فيديو

علق الإعلامي عمرو أديب، على فوز النادي الأهلي ببطولة كأس "السوبر المصري"، قائلا: "قدري أنا الحاجة تيجي في وشي أنا".

وأضاف أديب، خلال حلقة اليوم من ببرنامجه "الحكاية" المذاع عبر فضائية "إم بي سي مصر"،: "الزمالك كان يشعر بالثقة بشكل زائد عن اللزوم، ومن الوارد أن المدرب لم يؤهلهم بشكل جيد، معقبا: "فاكرين لما يلعبوا بالفانلة الزرقاء هنكسب، اهى بقت ليلة زرقاء على دماغنا".

وتابع: "اللي تعب النهاردة هو الأهلي، واللاعيبة كلها بتلعب في مراكزها، نص لاعبي الزمالك كانوا بيلعبوا في أماكن غلط، كله النهاردة كان شمال وتعبان ومش قادر، كانوا فاكرين أنهم رايحين يجيبوا الكأس على ميت عقبة، معقبا: الزمالك كانوا يلعبون بالشوكة والسكينة".

وأكمل: "الأهلي النهاردة كان نار مش حظه هو اللي نار، الزمالك اتغلب حقا وصدقا، الأهلي كان أحسن، ولو الزمالك فضل مكمل كده ينسى، الأهلي كسر نحسه النهاردة، الأهلي لما بيتفتح معاه الحظ قول يا رحمن يا رحيم".

وواصل: "ماتش وعدى، أنا مبعتبرش السوبر مهم، الأهم هو الدوري والكأس، متوجها بالتحية إلى النادي الأهلي فريق وجمهور، معقبا: "دي لياقة النادي الأهلي وخطة النادي الأهلي، كان عنده نفس وإصرار واللاعيبة كانت بتلعب بشكل انتحاري، مش موضوع روح الفانلة".