شوبير يشيد بلقطة شيكابالا مع مؤمن زكريا
أشاد الإعلامي أحمد شوبير بموقف نجم الزمالك محمود عبد الرازق "شيكابالا"، بعد موقفه تجاه مؤمن زكريا على الرغم من خساره الفريق للقب السوبر أمام الأهلي.
وكان شيكابالا ذهب الى مدرجات استاد هزاع بن زايد بعد نهاية مباراه السوبر من أجل إحضار مؤمن زكريا لمراسم التتويج في لقطة رائعة من قائد الزمالك.
وقال شوبير في تصريحات تلفزيونية عبر برنامج ملعب أون تايم: ”زي ما بننتقد السوشيال ميديا لازم نديها حقها إنها طلعتلنا لقطة عظيمة زي لقطه شيكابالا مع مؤمن زكريا”.
وواصل: ”شيكابالا على الرغم من انه فريقه خسر والراجل قلبه على الفريق ويعتبر أيقونة ورمز للنادي الا إنه راح لمؤمن وطلعت اللقطه العظيمه اللي شوفناها دي”.
وأكمل: ”وبعدين راح مع سيد عبد الحفيظ وسامي قمصان في صورة جميلة، هي دي الرياضة اللي عاوزين نشوفها وهي دي أخلاقنا الجميلة وحملة أخلاقنا الجميلة اللي شغالة اليومين دول لازم اللقطة دي كمان تضاف ليها”
وتابع: ”حصل ”تاتش” بسيط بين شيكابالا وحسين الشحات ولكن دي عصبية ملعب وفي بعض الناس بتهاجمه عليها، لا يا أخي أنت تدي تعظيم سلام لشيكابالا على لقطة مؤمن زكريا دي”.
وأتم: ”لا شيكابالا كان قاصد اللقطة ولا مؤمن ولا سيد عبدالحفيظ ولا سامي قمصان ولكن ربنا يشاء إن تطلع الصورة الجميلة دي فالنهاية بين الأطراف كلها”.
