نجم الزمالك السابق يشن هجومًا حادًا على مرتضى منصور ونجليه

شن هشام يكن نجم الزمالك السابق، هجومًا شديد اللهجة على مسئولي القلعة البيضاء، وعلى رأسهم المستشار مرتضى منصور رئيس نادي الزمالك، ونجليه أحمد مرتضى وأمير مرتضى.

وقال هشام يكن في تصريحات تلفزيونية له: "النهاردة نادي الزمالك مش هتقدر تشتغل فيه لأن فيه ناس موجودة جوة، العيلة مسيطرة جوة نادي الزمالك ودي حاجة تجنن".

وواصل نجم الزمالك السابق: "أنا لما كان والدي يمشي في النادي كنت بمشي في ناحية تانية علشان ميتقالش إن يكن وابنه في النادي مع بعض، ده كان زمان لكن دلوقتي عيلة مرتضى منصور بتدير النادي".

وأضاف: "مين يتكلم في الموضوع ده!، أحمد وأمير واخدين أكبر من حجمهم في نادي الزمالك، لما يمسكنا واحد ملعبش كورة ليه في ناس بتوافق على ده ومعندهاش جرأة تقف قدام حد وبيخافوا كل واحد وطبيعته".

واستكمل: "أنا مش بخاف من حد غير ربنا ولا فارق معايا أي حد، أنا يفرق معايا الزمالك وجماهيره وشكل النادي، أنا شايف النادي مخنوق ومفيش تطوير في نادي الزمالك، ادخلوا شوفوا نادي الزمالك من جوة بحق وحقيقي، ادخل اقعد شوف هتلاقي كرسي واحد حتى، وشوف مين اللي قاعد معاك".

وأتم: "عن صفقات أمير مرتضى.. اديني المكان ده واجيبلك صفقات الدنيا كلها ولعيبة بجد، فين الصفقات اللي جايبها أمير؟".

واختتم: "الصفقات اللي بتيجي لما أعملها يا إما بسد فراغ في الفرقة يا أجيب صفقة لاعب مميز جدا علشان يعمل فارق مستوى واهداف، دي صفقات سوبر وبتيجي علشان تعمل مستوى، لكن بجيب لعيبة أقارنها بالي عندي مش بلاقي فارق مع اللي موجود".