أديب عن ارتداء طالبات مدرسة بالدقهلية إسدال: من أنتم وبتمهدوا لإيه «فيديو»

انتقد الإعلامي عمرو أديب، ارتداء طالبات مدرسة نشا الإعدادية بنات بمركز نبروة التابعة لمحافظة الدقهلية الإسدال كزي رسمي للطالبات، قائلًا: "اللي حصل في مدرسة نشا الإعدادية ملوش علاقة بالحجاب".

وأَضاف أديب، خلال حلقة اليوم من برنامجه "الحكاية" المُذاع عبر فضائية "إم بي سي مصر"،: "كلامي ليس له علاقة بالحجاب لما يكون فيه مدرسة في مصر بناتها يرتدين ملابس ليست في الثقافة المصرية لازم أتساءل: "دول هتعلمهم إيه وهطلعهم إيه".

وتابع: "مش ده شكل التحشم المصري، السواد ده بتاع مين؟ أنتم بتمهدوا لإيه، من أنتم؟".

وأكمل: "ينفع ده يبقى شكل مدرسة في مصر تابعة لوزارة التربية والتعليم، هي دي العفة؟، متسائلًا: "البنات دول بيتعلموا إيه وهيطلعوا إيه؟، وإزاي وزارة التربية والتعليم سايبة المدرسة دي؟ المسؤولين بالمدرسة بيفكروا إزاي؟.

وأردف: "اللي يلبس يلبس والليل يقلع يقلع، أنا متكلمتش في الحجاب ولا فرض ولا سنة، بس دا مش شكل حجاب، متسائلًا: "إيه يا جماعة ألم أجد فيكم شخصًا رشيدًا؟، المدارس دي مين بيقودها".