تغيير صمام رئوي.. حملة لإنقاذ طفلة مصابة بمرض في القلب
أطلق رواد صفحات التواصل الاجتماعي حملة واستغاثة لإنقاذ فتاة في مقتبل العمر من الموت، مطالبين أصحاب القلوب الرحيمة للتبرع من أجل إنقاذ حياتها.
وتداول رواد صفحات التواصل الاجتماعي استغاثة الفتاة وتدعى زينب والتي جاء فيها: "زينب مجهدة وحاسة باختناق وصدرها تقيل وبتحتاج جهاز التنفس كل شوية و الدورة الدموية غير منتظمة عشان نسبة ارتجاع صمام القلب شديدة والضيق الموجود ف الشريان الرئوي شديد".
وتابعت الاستغاثة: بنوته في سنها مش قادرة تعمل أي مجهود حتى لو بسيط و معزولة عن الكل عشان المناعة ضعيفة جدا، زينب كبرت و بقت العملية ضرورة، العملية كان لازم تتعمل من وقت وحتى الآن تمنها لسه مش متوفر.
وناشد أهل الفتاة في استغاثتهم الجميع بالوقوف بجانب زينب: "كلنا نقدر نقف مع زينب عشان تسافر تعمل عملية تغيير صمام رئوي حيوي من متوفي و العملية دي مش متوفرة في مصر و خلاص مفيش وقت".
وأوضحوا أمها في حالة لمبلغ كبير: "زينب محتاجة مليون و180 ألف جنيه عشان تتعالج، شارك من أي ماكينة فوري بـ ٥٠ جنيها بس على كود رقم 99924 من أقرب سوبر ماركت أو من خلال تطبيق My Fawry على (حملة ادعم زينب نبيل).
