مرتضى منصور لجماهير الزمالك: «خايفين على النادي والقناة وأنا في 60 داهية»
رد مرتضى منصور رئيس مجلس إدارة نادي الزمالك، على الأنباء التي ترددت الفترة الأخيرة حول إيقافه وغلق قناة الزمالك الفضائية بعد تجاوزاته الأخيرة.
وقال مرتضى منصور في فيديو مصور عبر قناته على موقع "يوتيوب": "بعض الزملكاوية للأسف بيرددوا كلام إن مرتضى هيتوقف، وقناة الزمالك هتتقفل، والله العظيم عيب انكوا تروجوا للكلام دا".
وشدد: "والله حاجة غريبة خايفين الزمالك يقع وينهار، والقناة تتقفل ومش خايفين عليا؟، كل خوفكم على الزمالك والقناة وأنا إيه؟".
وواصل مرتضى منصور: "انت عيل انتهازي قوي، وميكافيلي في كتاب له بيتكلم على الانتهازية والغاية تبرر الوسيلة، خايفين على النادي وأنا أروح في 60 داهية، بدل ما تقول كده قول علشان رجل ناجح، علشان صحته، انت خايف على القناة النادي بس، حاجة تقرف".
