عمرو أديب عن ارتفاع الأسعار: «في ناس عاوزه تمص دمنا»

علق الإعلامي عمرو أديب، على ارتفاع الأسعار قائلًا: في ناس عاوزه تمص دمنا، وسؤالي اللي مش لاقي له إجابة لماذا يستمر ارتفاع الأسعار؟".

وقال أديب، خلال حديثه ببرنامجه "الحكاية"، المذاع على قناة إم بي سي مصر: "نتحدث عن سعر العلف والسكر والأرز والبيض، لماذا يزيد؟ هنوصل لمرحلة السلع موجودة ومحدش بيشتريها".

وتابع أديب: "اللي بيجرى في السوق ده هيبوظه والسلع، حتى الطبقات الغنية بتتكلم عن الأسعار، الناس انكوت بغلاء الأسعار، عندك شعب صابر وبيستحمل وبيحاول يتصرف، متدوسش أكتر من كده، خصوصا أن الدولار وقف عند 24.5 جنيه".

ووجه رسالة للتجار قائلًا: "هتخرموا السوق من الطرفين اللي يبيع واللي بيشتري، إيه أخرة الجشع ده، أنتوا باصين تحت رجليكم والنتائج مش هتكون كويسة، بتلعبوا بالنار".