ياسمين عز للسيدات قبل انطلاق المونديال: «متعصبيش الراجل باسئلتك.. سيبيه خالص الشهر ده».. فيديو

وجهت الإعلامية ياسمين عز، عدة نصائح للسيدات قبل انطلاق حفل افتتاح كأس العالم، قائلة: "سيبي الراجل خالص الشهر ده وبلاش الأسئلة اللي بتعمل تصلب في الشرايين للرجالة بعد الشر على قلبهم.. بلاش سؤال اعملك إيه على الغدا".

وتابعت ياسمين عز، خلال حلقة برنامج "كلام الناس": ارجوكي سيبيه مركز في اللي هو مركز فيه وبلاش تخرجيه من الموود وبلاش تعصبيه باسئلتك.. خليكي شاطرة وذكية وخليه يتفرج جنبك وخليه يحس إنك بتشاركيه اهتمامته من غير مبالغة ولا أوفرة ولا اسئلة مش مفهومة.

واستكملت موجهة حديثها للنساء: "المخرجين في كأس العالم بيركزوا على المدرجات وكل شوية الكاميرا على بنت جميلة من البرازيل أو الإكوادر ولما تلاقيه مبتسم فهو معجب بالحدث كليا ومش لازم كل شوية تسأليه معجب بيها ولا إيه لأنك كده بتقفليه منك أصلا مش كأس العالم".

وأكملت: "الراجل حزين وقلبه واجعه إن المنتخب مش في المونديال متبقيش إنتي والمونديال والسنغال".