ميدو ينفعل دفاعا عن حازم إمام: اللي بيحصل معاه «عيب» والبعض يتربص بمنتخب مصر في شخصه
دافع أحمد حسام ميدو عن حازم إمام عضو مجلس إدارة الاتحاد المصري لكرة القدم، ضد بعض الانتقادات التي وُجهت له.
قال ميدو في تصريحاته عبر برنامج الريمونتادا على قناة المحور: "منتخب مصر ملوش ضهر وأي حد بقى بيهاجم المنتخب، عيب لما مسؤولين أندية تهاجم واحد زي حازم إمام، ويتهموه بإنه بيتدخل في تشكيل منتخب مصر".
وأضاف: "الناس كانت بتلوم على حازم إنه سلبي ومش بيأثر ولما الراجل حصل على الفرصة كاملة، الناس بتهاجمه، اللي بيهاجموه بقولهم عيب، عيب في حق مدرب كبير زي فيتوريا، وعيب في حق منتخب مصر، وحازم آخر واحد يتدخل في عمل حد".
واختتم حديثه قائلا: "حازم إمام بيتعرض لحملة شرسة جدا والبعض بيحاول يوقع منتخب مصر في شخص حازم إمام".
