بالفيديو.. عمرو أديب: أبو تريكة إرهابي سيئ السمعة والأهلي لازم يعتذر
استنكر الإعلامي عمرو أديب، تهنئة النادي الأهلي للاعب الفريق السابق بمناسبة عيد ميلاده، قائلًا: «يا جماعة ده راجل عمره ما عزا في ضابط مات ولا عسكري؛ ده راجل كان بيزور أهالي الإرهابيين اللي قتلوا الناس في كرداسة، والمحكمة قررت إدراجه على قوائم الإرهاب، واللي هيحاول يقول أنا بلعبها أهلي وزمالك يبقى غلطان، أنا بتكلم عن البلد».
وأكمل أديب خلال تقديمه برنامج «الحكاية» المذاع عبر فضائية «إم بي سي مصر»: «لازم النادي الأهلي يطلع بيان، أو يشيلوا التهنئة، أو يسيبوها ويقولوا إحنا كده، وإن أبو تريكة برقبة مصر كلها، والمحكمة قالت في قرار إدراجه على قوائم الإرهابيين: ويترتب على قرار النقض بإدراج أبو تركية على قوائم الإرهاب، الإدراج على قوائم المنع من السفر، وترقب الوصول، سحب جواز السفر أو إلغاؤه، أو منع إصدار جواز سفر جديد، أو تجديده، فقدان شرط حسن السمعة؛ يعني النادي الأهلي حط تهنئة لواحد فقد حسن السمعة».
وأردف مقدم البرنامج: «أنا ببلغ النائب العام دلوقتي بقوله النادي الأهلي بيرفع من شأن ويهنئ ويُكرّم أبو تريكة، وأنا مش من بتوع المؤامرة دي غلطة لا تقع فيها مؤسسة تربوية».
