باسم سمرة لـ”أحمد السقا”: استهان بحياتي ويا ريت تفهم الأزمة اللي اتحطيت فيها ومتضايق لحد دلوقت
رد الفنان باسم سمرة على نفي الفنان أحمد السقا تدخله في حذف دوره في فيلم "إبراهيم الأبيض".
وكشف باسم سمرة خلال حواره في برنامج "حبر سري" الذي تقدمه الإعلامية أسما إبراهيم على قناة "القاهرة والناس" قائلًا: "في النهاية المخرج هو رب العمل، لكن لسه عند موقفي بتدخل أحمد السقا في حذف دوري من فيلم إبراهيم الأبيض، وعملولي أزمة في الفيلم لأني عملت مشاهد خطرة وما حدش بيقدر يعملها وبسبب الموضوع دا بقيت أفكر كتير قبل ما أوافق عليها".
وأضاف: "خاطرت بحياتي وبنفسي في تصوير دور في فيلم إبراهيم الأبيض، وفي النهاية شالوا وحذفوا مشاهدي ودوري، ومش عارف حذفوا دوري ليه، ونفسيتي تعبت ومازلت متضايق لحد دلوقتي، قد إيه كان فيه استهانة بحياتي في تصوير الفيلم".
وتابع: "أنا ما عنديش مشاكل مع أحمد السقا، ويا ريت يكون هو ومخرج الفيلم فهموا الأزمة اللي اتحطيت فيها بسبب إن شغلي اتشال وما اتقاليش غير آخر لحظة، رايح أحضر العرض وبعدين يتصلوا بيا يقولولي الشغل بتاعي اتشال، وفيه فنانين تانيين حصل معاهم نفس اللي حصل معايا في يوم عرض الفيلم".
