طليق منة عرفه يهاجم نقيب الفنانين: «كفاية دفاع معظم الفنانين بتتعاطى»
شن محمود المهدي طليق منة عرفة هجوم حاد على بيان نقابة المهن التمثيلية بشأن احترام خصوصية الفنانة منة شلبي بعدما تم ضبطها في المطار وبحوزتها مخدرات، وذلك عبر حسابه الشخصي على موقع الصور الشهير إنستجرام.
وكتب محمود المهدي بخاصية ستوري حسابه بإنستجرام: "خصوصية ايه يا نقيب، ده لما الجمارك بتمسك مواطن مغترب راجع بعشر ألاف دولار ومحولهمش على البنك قبل ما يرجع بيعملوا له محضر وبيتصور مع المضبوطات، وينشروها على مواقعهم الرسمية ومنصات التواصل الاجتماعي".
وأضاف: "دي ممسوكة بمخدرات كفاية دفاع عن وسط ملئ بالمفاسد تحت شعار الخصوصية والحرية الشخصية والكلام الفاضي ده، فمن يخطئ يحاسب عشان كل واحد يعرف انه مفيش حد فوق القانون".
وتابع محمود المهدي: "وطبعًا أفكركم النقابة لازم يحاولوا يطلعوها براءة هيتقال ان الحاجة دي مغلفة ومتفتحتش وانها مسموحة في الدولة اللي كانت بتزورها وإنها متعرفش طبعًا كل ده عشان منظر الفنانين مع إن لو اتعمل تحاليل لكل واحد مقيد في النقابة في جزء كبير هيطلع للاسف بيتعاطى".
