بالفيديو.. رسالة قاسية من وزير التعليم لأولياء أمور رابعة ابتدائي

وجه الدكتور طارق شوقي وزير التربية والتعليم والتعليم الفني، رسالة إلى أولياء أمور تلاميذ الصف الرابع الابتدائي قائلًا: «محتاجين هدوء ونفهم إيه اللي بيحصل، ومفيش داعي للزعيق والخناق والهتافات متخافوش وندي العيش لخبازة».

وأكمل شوقي، خلال مداخلته الهاتفية مع الإعلامي شريف عامر مقدم برنامج «يحدث في مصر» المذاع عبر فضائية «إم بي سي مصر»: «مينفعش الهواة وأولياء الأمور، ومفيش حد هيمتحن في حاجة مدرسهاش، حتى لو المناهج كتيرة، إحنا بنتكلم على منهج فلسفته مختلفة، ورابعة ابتدائي أول سنة يكون فيها امتحانات، والرعب والهلع اللي حاصل بسبب الامتحان لازم نتخلص منه واحنا حصاد النظام القديم وبنطبقه على الفلسفة الجديدة».

وأردف وزير التعليم: «فلسفة النظام الجديد قائمة على إن مفيش امتحانات للتلاميذ حتى الصف الرابع الابتدائي، والدربكة اللي حصلت عشان ده أول امتحان، وسيكون بشقين الأول: تقييم على ما يؤديه الطالب بالكتاب المدرسي، والثاني امتحان قصير مدته من 20 إلى 30 دقيقة».