تامر حسين: عمرو دياب بيكلمني كل شوية يقولي عايز أنجح

تحدث الشاعر تامر حسين عن تفاصيل علاقته بالفنان عمرو دياب، مشيرًا إلى أنه يتحدث معه باستمرار عن رغبته بالنجاح.

وتابع في لقائه مع الإعلامية منى الشاذلي خلال برنامج معكم منى الشاذلي على قناة CBC، قائلًا: «أغنية وياه كانت وش السعد، أنا أعرف عمرو دياب من 2007، وفي 2009 اتقابلنا في أغنية وياه وخدت وقتها أحسن أغنية في أفريقيا».

وأضاف: «بعتها لعمرو مصطفى وماكنتش عاجباه، حس إنها شبه أغاني عبدالحليم حافظ، ومش هتعجب عمرو لأنه بيحب الأغاني المهيبرة، وعنده طاقة جميلة في الشغل، قدمها لعمرو دياب، فقالنا تعالوا على الاستديو، فوجئنا بإنه غناها مباشرة بعد توزيعها مع حسن الشافعي».

واستكمل: «أنا من معجبي عمرو دياب، ومعجب بإصراره وشغفه، فهو كل شوية يكلمني يقوللي عايز أنجح.. فطول الوقت بيقولي عايز أنجح لحد السنة دي، عنده شغف وطاقة غريبة للنجاح».