خالد الجندي: مبروك علينا رئيس سهران وشقيان 24 ساعة عشان خاطرنا

وجه خالد الجندي، عضو المجلس الأعلى للشؤون الإسلامية، رسالة شكر للرئيس عبد الفتاح السيسي، بمناسبة افتتاحه مدينة المنصورة الجديدة.

وقال الجندي، خلال برنامجه "لعلهم يفقهون"، المذاع على قناة: "ألف مبروك علينا وعلى بلدنا رئيس سهران وتعبان وشقيان 24 ساعة عشان خاطرنا، شكرا ليك يا ريس".

وأضاف: "مبروك علينا رئيس مجتهد ونشيط ومكافح ومبيضيعش وقت، رئيس تعبان عشان بلدنا، وسهران على مصالحنا".

وتابع: "إحنا محظوظين بيك يا ريس، إحنا مبنشوفش المشروعات إلا وهي بتتفتح، معندناش حاجة اسمها وضع سيادته حجر الأساس، ولا حط الأسمنت والطوب وبعدين خد بعضه ومشي و قال سلام عليكم و يا مولاي كما خلقتني".

وأكمل: إحنا عندنا رئيس بتاع أفعال لا أقوال أفعاله هي التي تتحدث، اللي عمله الرئيس وشوفتوه النهارده ده إجراء عادي في حياته".

وتابع: "الرئيس السيسي من يوم ما تولى الأمانة اللي ربنا أسندها إليه، ودي نعمة من ربنا سبحانه وتعالى علينا"، مشيدًا بحديثه مع الشباب خلال جولته التفقدية بكورنيش المدينة.