أم تستغيث لرؤية أبنائها.. وابنتها: «لو رجعت لها هدبح نفسي»
رفضت طفلة تدعى سما، العودة لوالدتها عقب انفصالها عن والدها وزواجها بآخر، وقالت: « أنا مش عايزة أرجع لأمي وأقعد معاها ولو رجعتلها همسك سكينة وأدبح نفسي».
وأضافت سما، خلال لقاء لها ببرنامج «تفاصيل» عبر فضائية «صدى البلد 2»،: «أنا قاعدة مع أبويا مش عاوزاها وأبويا مش حابسنى زي أمي ما بتقول وبيقولي دايما لو عايزة تروحي لماما أوديكي».
و قال شقيقها عمر، «إنني أعاني من أنيميا البحر المتوسط، وأحصل على غذاء مناسب من لحوم ودجاج لتقوية المناعة خاصة في فترات كورونا، ومش زى ما أمي بتقول إننا بناكل من الزبالة وأنا باكل كل حاجة وأبويا مبسوط معاه بعد ما أمي رمتني».
وأضاف عمر: «أمى سابتني الساعة واحدة الفجر في الشارع، واتصلت بأبويا وقلت له تعالى خدني وكانت تقعدنا دائما عند صاحباتها وكنا بنسمع كلام مش حلو».
وتابع: «أنا زعلان من أمي من اللي عملته فينا، هي راحت اتجوزت بعد ما سابتنا، مش هنلاقي أم غيرها بس هي سابتنا وأنا زعلان منها".
