شاهد.. إدارة مستشفى قويسنا تضغط على طاقم التمريض للتنازل عن شكوى الاعتداء عليهم

تداول عدد من النشطاء خلال الساعات السابقة مقطع فيديو، يوثق قيام إدارة مستشفى قويسنا بالضغط على طاقم التمريض للتنازل عن شكوى الاعتداء عليهم.

وكتب ناشر الفيديو تعليقًا عليه: "مدير مستشفى قويسنا اللي التمريض اتضرب واتهان، نزلوا الفيديو دا على صفحاتكم على الفيس بعد إذنكم، مدير المستشفى الدكتور هيثم حسنى والدكتورة رشا بيقولوا للتمريض مالناش دعوة بكم تتضرب وهتتهان وتتسلم تسليم أهالٍ لو مش هتتنازل تهديد رسمى من مدير مستشفى".

وبحسب الفيديو المتداول والمنسوب للدكتور هيثم حسني مدير المستشفى، قال فيه: "أنا هقف عند رفع أوراقكم، وهقف من غير ما سيحدث بعد ذلك وأي ضرر هيلمسكم أنت غير مسئول عنه، ولكن إمكانياتي أن أنا وقفت في ظهركم وقلبنا الدنيا حصل، كان ممكن تروحوا وكل اللي يحصل يتحرر محضر عادي".

ووفقًا للفيديو طالبت الدكتورة رشا بقبول التنازل، وقالت: "حضرتكم لكم القرار الأول والأخير في القبول أو الرفض".

وتابعت: "في حالة عدم القبول فالطرف الآخر هيستمروا في القضية، و"محضر قصاد محضر".

الفيديو المنشور تسبب في حالة غضب واستياء رواد منصات التواصل الاجتماعي، وكتب ناشط معترضًا على رد فعل إدارة المستشفى: "ولو بنتك اللي حصل معاها كده هتقول الكلام ده ولا كنت هتعمل ايه اتق الله، الكرسي مش دايم لحد".

وأضاف آخر: "الموضوع بقى قضية رأي عام بلاش تنازل لازم تاخدوا حقوقكم بالقانون، الكل فيهم خايف على منصبه وانتو كمان خافوا على كرامتكم".

وعلق ثالث: "وكمان مش راجعين يعتذروا بنفسهم باعتين لكم واحدة تعتذر مكانهم حسبي الله ونعم الوكيل فيهم ياريت متتنازلوش وارفعوا من شأنكم وشأن التمريض إزاي المستشفى تقبل أصلا تتفاوض معاهم ويقولوا كلام زي ده بجد قمة الإهانة".

وعلق آخر: "متتنازلوش عن حقكم لو سمحتوا اقفوا مع بعض بلاش إهانة المواقف دي اللي بتقلل من التمريض، انتوا الفيديو واضح فيه التعدي عليكم حسبي الله ونعم الوكيل حتى المدير منه لله، ويتحط في نفس الموقف بإذن الله عيني عينك الظلم حسبي الله ونعم الوكيل".

وكتب ناشط: "هو ده لو حقها هتقول كده، دي غير أمينة على موظفينها، هي أمينة على الكرسي بس زي غيرها من المديرين".

https://m.facebook.com/groups/480628572331081/permalink/1741198799607379/?sfnsn=scwspwa&ref=share&mibextid=2Rb1fB