دينا الشربيني: ”بحب الحب وعايشة في علاقة جديدة”
كشفت الفنانة دينا الشربيني عن الكثير من تفاصيل حياتها وطريقتها لتخطي الأزمات والعلاقات المنتهية، حيث قالت دينا:"عايشة قصة حب في الفترة الحالية".
وتابعت: "أما عن الانفصال مفيش حد بتحبيه هتنسيه بسهولة علشان فيه عشرة وتفاصيل كتير لكن لازم كل واحد يبقى في حاجة يعرف إن الحاجة دي ممكن تخلص ولو خلصت يبقى ده الأحسن علشان ربنا شايل له الأحسن".
وأضافت: "أنا عندي الحمد لله حاجة كويسة وهي فكرة الرضا والتأقلم، يعني أنا هقاتل علشان حاجة أنا هقدر أعملها، ولكن مش هقاتل على حاجة خلاص مش هتنفع".
واستكملت: " أنا بحب إحساس الحب جدًا، وبقول إن الحب مش معناه حب بين واحد وواحدة أو واحد ومراته، الحب عمومًا بين الناس والأهل والصحاب، فكرة الحب بحبها".
