بيحرم الفن.. نجل حسن يوسف يهاجم حسين فهمي

وجه النجم الشاب عمر نجل الفنان القدير حسن يوسف هجومًا شديدًا على الفنان حسين فهمي، وذلك على حسابه الشخصي بموقع التواصل الاجتماعي فيس بوك.

وكتب عمر حسن يوسف: "طب إزاي الدولة تكرم فنان وسام العلوم والفنون من الطبقة الأولى، ويطلع رئيس مهرجان القاهرة يقول اصل الفنان ده متعزمش عشان بيحرم الفن لا انت محتاج لما تتعين في منصب زي ده تراجع كده وتعرف التاريخ كويس اكيد الدولة بتفهم اكتر".

وتابع: "متخيلين ان فنان كبير زى حسين فهمى يتسئل عن عدم دعوة فنان كبير بحجم الفنان حسن يوسف من أعمال وتاريخ كبير محدش فينا يقدر ينسى حسن ابو على اللى معظم بنات زمانه والاجيال اللى بعده كان فتى احلامهم وان معظم فتيات جيلنا كان نفسه يعيش فترة شباب حسن يوسف ومش بس كده حسن يوسف تاريخ كبير فى التمثيل وحرفيا مدرسه فن يطلع فنان كبير يقول أصله بيقول ان الفن حرام حضرتك حسن يوسف لما عمل زهرة وازواجها الخمسة عمل ده وهو كبير".

وأضاف: "أظن الفنان حسين فهمى محتاج بعتذر للفنان حسن يوسف زى ما اعتذر لبوسى شلبى بعد ما كسفها قدام الكاميرات".