تعليق ناري من سهير جودة على ارتفاع سعر الذهب.. وتوجه رسالة للشباب

علقت الإعلامية سهير جودة، على ارتفاع أسعار الذهب خلال الأيام الماضية، موجهة نصيحة للشباب الذي يستعد للزواج، وللفتيات أيضًا.

وقالت سهير، خلال حلقة برنامج الستات، المذاع عبر فضائية النهار: "مش مهم الذهب، انت شوف كنت عامل ميزانية بكام للجواز، وأبدأوا أمشوا عليها، مش لازم تجيبوا أكتر من قطعة، اشتروا باللي موجود لأن هو نفس الثمن، متغيروش الميزانية".

وأضافت: "على فكرة الذهب مش مهم، وأعتقد أن أولويات البنات لازم تتغير، واعتقد إن أهم حاجة للبنت إنها تكون مع شخص أمين، وتشعر بالأمان معه، ولديه طموح في الحياة، ويحترمها".

وتابعت: "أما باقي التفاصيل الأخرى كملوها باللي موجود، لأن أغلب الناس عاملين كده، أبداوا حياتكوا بحاجات بسيطة وكملوها بعدين مع بعض، وهتستمتعوا بكل التفاصيل دي، بلاش شكليات".