عامل النظافة يكشف: ”عندي شركة إنتاج وفيلا في زايد وعصام شعبان كان عايز يتحكم فيا”
تداول رواد مواقع التواصل الاجتماعي فيديو من إحدى الفقرات التي تقدمها قناة الحدث، جمع اللقاء بين محمد الشهير بعامل النظافة المطرود من كشري التحرير، وعصام شعبان عبد الرحيم، وحدثت خلال الفقرة مشادة بين الثنائي.
بدأت الأزمة عندما سأل المذيع عامل النظافة عن سر خلافه مع عصام شعبان عبد الرحيم ليجيب قائلًا: "مبحبش أمشي بدماغ حد أنا بعزك وربنا اللي يعلم"، ليرد عليه عصام: "مين اللي قالك تمشي بدماغه ده أنا أكتر واحد بيحترمك في مصر مع إن الناس كلها بتقولي هتبهدل اسم أبوك".
ليرد عليه عامل النظافة من جديد قائلًا: "بقولك ايه يا باشا معلش أنا بسئ لسمعة والدك؟".
وتابع: "هو بيقولي انت تحت إيديا وكل واحد عاوزك أنا اللي هوديك لا مش هينفع تجيب حد، فلا يا باشا اللي عاوزني أنا تحت أمره مقدرش أتأخر وأنا اللي عاوزني يتصل بيا".
ومن ناحيته قال عصام شعبان:" يا جماعة كده محمد بينكر كل اللي الواحد عمله معاه ومحدش يقارني بيه هو صاحبي وأنا بحبه على كده لكن هو مش فنان أنا اللي اخترعتله حكاية الغنا وبقولك يا محمد أزأز واجري".
وكشف محمد عامل النظافة أنه أصبح يمتلك شركة إنتاج وفيلا بالشيخ زايد.
