«محتاجين 6 مليار عشان ندخل البضائع».. عمرو أديب: «هل ده موجود؟»

أكد الإعلامي عمرو أديب، أن هناك نقص كبير في العملة الصعبة، موضحًا أن سعر الدولار يقفز في السوق الموازية.

وقال أديب، خلال حديثه ببرنامجه "الحكاية"، المذاع على قناة إم بي سي مصر: "الناس بتسأل عن سعر الدولار، لكن سؤال السوق مش هو بكام والكلام ده، لكن سؤالهم هو فين؟".

وأضاف: "يتحدثون أنه علشان كل البضايع اللي في الموانئ تخش محتاجين حوالي من 4 إلى 6 مليارات دولار، هل ده موجود ما أعرفش؟".

وتابع: "هل الـ 750 مليون دولار الشريحة الأولى من قرض صندوق النقد، لو جت هيحركوا الدنيا ويظبطوا سعر الدولار؟.. أنا معرفش".

وتحدث أديب عن اجتماع صندوق النقد الدولي، والذي يعقد يوم 16 ديسمبر الجاري، للموافقة على قرض لمصر بقيمة 3 مليارات دولار، قائلًا: "الـ 10 أيام الجايه مهمين جدًا وممكن يحصل فيهم حاجات كتير، إيه اللي هيحصل؟ ده كله عامل زي الأواني المستطرقة".