بركات ينتقد تسديد أفشة لركلة جزاء الأهلي أمام فيوتشر: «مينفعش نجامل على حساب الفرقة»
فتح الإعلامي محمد بركات النار على تسديد محمد مجدي (أفشة) لركلة الجزاء خلال مواجهة الأهلي وفيوتشر في الدوري.
قال بركات في تصريحاته عبر برنامج الريمونتادا على قناة المحور: "أفشة شاط ركلة الجزاء بناء على ايه؟ هل اللاعيبة بتجامل بعض في الملعب؟ هل معلول بيجامل أفشة ولو معلول هو اللي بيجامل أفشة تلوم على معلول بخبراته الكبيرة وكم المواقف".
وأضاف: "مفيش مجاملة على حساب الفرقة، عايز تجامل جامل وانت ضامن النتيجة، ولما الماتش يبقى في وقت حاسم تديله الكورة عشان يشوطها، مينفعش".
وواصل: "ومع احترامي كان لازم كولر يتدخل، أفشة مراحش شاط على طول كان في فترة قبل ما يشوط كان كولر المفروض يتدخل ويمنعه".
وختم حديثه قائلًا: "ضربة الجزاء اللي يشوطها رقم 1 في اللاعيبة مديهاش لحد تاني يشوط"
