عمرو أديب عن سعر الدولار: «عندنا حل واحد مفيش غيره»
علق الإعلامي عمرو أديب، على الأزمة الاقتصادية الحالية، وارتفاع سعر صرف الجنيه المصري مقابل الدولار الأمريكي.
وأضاف أديب في تعليق عبر برنامجه «الحكاية» الذي يعرض عبر قناة «mbc مصر»، مساء الجمعة: «عرفت معلومة مرعبة وناس بتزعل مني لما بقولها، الناس اللي بياخدوا الدولار من البنك على 24.5 ليه بيحاسبوا الناس على 30، ده كُفر».
وطرح أديب ثلاثة تساؤلات، قائلًا: «هناك ثلاثة تساؤلات يجب الإجابة عليها، وهي سعر الفائدة وسعر الدولار ومدى توفر الدولار. الناس بتتكلم عن التعويم، طب هو إيه اللي بيحصل؟ الدولار بيزيد كل يوم من غير تعويم».
وأشار إلى أن قرض صندوق النقد الدولي واجتماع البنك المركزي لن يحلا الأزمة الاقتصادية الحالية في مصر، مضيفًا: «إحنا عندنا حل واحد مفيش غيره، وأنا مش عايز أقوله، المسؤولين عن البلد عارفين إزاي مبلغ واحد في وقت واحد يجي مرة واحدة، إنت عايز حاجة تعملك قفزة وتغير الدنيا».
وتابع أديب: «لو هتفضل ناس جوه الدولة، شايفه لأ، مش هي الطريقة، خلاص هنفضل كده، إنتوا بتتكلموا عن التعويم، هو من غير تعويم بيزيد جوه البنك كل يوم، السؤال كام واحد يشتري الدولار من البنك وكم واحد بيشتري من بره؟ السؤال الأهم هو الدولار اللي بره جاي منين؟».
