عمرو أديب يكشف حقيقة إغلاق مستشفى 57357 وتحويلها لفندق

تحدث الإعلامي عمرو أديب، عن أزمة مستشفى 57357، قائلا: "مستشفى 57357 كان ومازال صرحًا علميًا طبيًا، وهيفضل كدا يعالج وينقذ الأطفال".

وأضاف أديب، خلال حلقة اليوم من برنامجه "الحكاية" المذاع عبر فضائية "إم بي سي مصر"،: "مستشفى 57357 في رقبته مجموعة من الأطفال اللي ملهاش حد".

وتابع: "هناك تداول لمعلومات أن المستشفى متجهة للإغلاق، دي مصيبة وكارثة على المجتمع كله شعب ودولة، معقبا: "لو المستشفى قفلت العيال دي هتروح فين، مستشفى 57357 شايلة جزء من الهم".

وواصل: "كنا دايما بنكون مطمنين أن المستشفى عندها تبرعات، معقبا: "وأنا سعيد بالانتفاضة لإنقاذ المستشفى ولكنها استمرت يومين ثم خمدت وده مينفعش، ودى مستشفى لا تعوض، وإحنا في مجتمع مش ناقص".

وأكمل: "هنقف نتفرج على المستشفى وهى بتقفل ويتم تحويلها لمستشفى استثماري بفلوس، أو حد يشتريها ويحولها لفندق، في حد يعمل كده، هنسيبها تقف زي مستشفى طنطا، أنتم حمل تشوفوا عيل في الشارع بيتلوى من السرطان".

وأردف: "لو عندك كلمة كويسة قولها معندكش اسكت للأبد ونقطنا بسكوتك، وناخد بالنا من العيال، واتقِ الله".