«خالد الجندي» لهؤلاء: «لا يا روح طنط أنت وهو»
فقد الشيخ خالد الجندي، السيطرة على نفسه متلفظًا بألفاظ غير لائقة على الهواء في رسالة عنيفة لمنتقديه.
وقال الجندي، خلال تقديمه برنامج «لعلهم يفقهون»، المذاع على فضائية « دي إم سي»: « في ناس بتنتقدني وبتقول ليه مردتش على زكريا بطرس، لا يا حبيب طنط أنا كنت برد لما طنط كانت بتعملك كباية الحليب والسندوتشات وأنت رايح المدرسة، اشتبكت مع هذا الكاذب واللي بينتقدني كانت لسه أظافرهم خضراء».
وأضاف: «أنا كان بيني وبين زكريا بطرس معارك طاحنة منذ وقت طويل.. أنا بقول الكلام ده للي بيقول أنت مش بترد ليه، أنا دائما كنت برد على هذا المعتوه».
ونوه الجندي، بأنه أثناء عمله في قناة أزهري كان مع الكاتب محمد الباز وقام بعمل سلسلة من الردود على زكريا بطرس، معقبا: « بطرس حاول استدراجي خارج مصر بكل قوة وقولتله لو أنت راجل تعالى مصر ونعمل مناظرة وهرب منها، ده راجل قليل الأدب وكداب نعمله إيه».
