عصام الحضري: «أنا أجبرت شوبير على الاعتزال بسبب مستوايا»

كشف عصام الحضري مدرب حراس مرمى منتخب مصر السابق، عن كيفية إجباره أحمد شوبير، الإعلامي الحالي، وحارس الأهلي الأسبق على الاعتزال، وذلك في فترة لعبهما معًا بالنادي الأحمر.

وقال الحضري في تصريحات تليفزيونية ببرنامج اللعيب عبر قناة إم بي سي مصر: “كنت بجري 7 كيلو من كفر البطيخ إلى دمياط علشان مش معايا فلوس”.

وأضاف: “من وأنا بلعب في مركز شباب كفر البطيخ وشوارع بلدنا كان عندي طموح ليس له حدود أن أوصل لأبعد مدى وأكون حارس المنتخب والنادي الأهلي”.

وشدد الحضري:”المهندس خالد مرتجي والكابتن ثابت البطل والمهندس عدلي القيعي خلصوني من دمياط واختاروني ووقعت في بيت عدلي القيعي لمدة 5 سنوات بـ50 ألف جنيه في الموسم أي 250 ألف جنيه طول مدة العقد، والفضل يرجع للكابتن ثابت البطل.

وأردف:”انتقلت إلى النادي الأهلي انتقال حر من دمياط، والمدير الفني هولمان أصر على ضمي، وأول ماتش ليَّ كان اتحاد البليدة الجزائري وكسبنا البطولة العربية”.

وتابع الحضري: “أول مباراة شاركت فيها بالدوري كان أمام المصري البورسعيدي وكسبنا 1/0، وعملت أداء كويس جدًّا، وبعد كده لعب الكابتن شوبير ماتش الزمالك”.

وأكمل:”كنت هشارك في مباراة المريخ البورسعيدي وحصلت مشكله، واشترك شوبير بدلا مني، واتصاب بعد 10دقايق، ونزلت أنا ومن وقتها ومسكت الفرصة ولعبت أساسي، ورجع من الإصابة مرجعش تاني واعتزل نهاية الموسم ومقدرش عليا”.

وأوضح:”لعبت مع كابتن شوبير والمنافسة معاه كانت شرسة في البدايه، كنت عندي 24 سنه ومتأسس بطبيعتي، ماوصلت له كان بسبب منافسة شوبير ليا وهو بيغل وبيموت نفسه في التمرين، وكل لما يغل أدرب أكتر لحد ما قرر يعتزل”.

واختتم: “مصطفى شوبير أفضل من والده، ولا بفرح ولا بضايق شوبير بكلامي، وبقول كلمة حق، قعدة مصطفى في الأهلي مش كويسة له، ولازم يطلع يلعب برة”.