محمد سراج يوجه رسالة مهمة لجماهير الأهلي قبل مواجهة بيراميدز
وجه محمد سراج الدين عضو مجلس إدارة النادي الأهلي، رسالة مهمة لجماهير الأحمر قبل مواجهة بيراميدز المرتقبة في الدوري الممتاز.
ويستعد الأهلي لمواجهة بيراميدز، في السابعة مساء الإثنين المقبل، ضمن منافسات الجولة الحادية عشر من مسابقة الدوري المصري الممتاز.
وكتب محمد سراج عبر حسابه الرسمي على موقع التواصل الاجتماعي "فيسبوك": "أولاً أنا بشكر كل جمهور النادي الأهلي العظيم على الإشادات والتشجيع والثقة، على مدار اليومين الماضيين بخصوص التطورات في ملف حضور الجمهور".
وتابع: "وده على رأسي ومحل اعتزاز كبير وتقدير، لكن للتوضيح ده مش مجهودي أو مسؤوليتي لوحدي أنا فرد داخل منظومة كاملة كلها بتسعى وبتشتغل للنادي بإخلاص، وأولها كابتن محمود الخطيب رئيس النادي الأهلي".
وأوضح: "اللي تولى الأمر بنفسه من اتصالات ومجهودات، ومعالي الوزير العامري فاروق نائب رئيس النادي، ورئيس اللجنة وكل أعضائها المجتهدين سواء دكتور محمد شوقي أو دكتور مهند مجدي أو النائب محمد الجارحي، محدش قصر أو بخل بمجهود وشغل لخدمة الملف ده خصيصاً أو أي شغل تاني بشكل عام في النادي".
وواصل: "حتى محمد الدماطي أخويا المحترم، وهو مش عضو في اللجنة لكن كان بيتابع معانا يوميًا وبيساعد، لان الهدف والمصلحة واحدة وهكذا تكون النوايا والإخلاص للمكان عشان ربنا يبارك يارب إن شاء الله".
وشدد سراج الدين: "الأهم بقى من كل الكلام ده، إن ربنا يوفقنا يومها ونفوز يا رب والفريق يستعيد الثقة تاني، عشان نحس أن المجهودات دي مراحتش على الفاضي".
واختتم: "في النهاية حابب كمان أتوجه بالشكر لكل الجهات المعنية والأمنية ورابطة الأندية، للتعاون وحُسن التنسيق والتواصل، وهو ما لمسناه خلال الأيام الماضية منهم جميعاً، ونتمنى أن تكون بداية خير وكل الثقة في جمهورنا العظيم للظهور بالشكل المميز والقوي والإلتزام بالتشجيع الحماسي والمثالي كما تعودنا منكم".
