نص أقوال منة شلبي قبل بدء محاكمتها بتهمة حيازة مخدرات

أحالت النيابة المصرية الفنانة منة شلبي للمحاكمة الجنائية، إثر حيازتها مواد مخدرة بقصد التعاطي.

وقالت منة شلبي في التحقيقات، تم تفتيش الشنط في غرفة بعيدة عنها، وأنها كانت تحمل أدوات تجميل وليس كما قيل إنها مواد مخدرة، مبينة أن كل ما كانت تحمله أداة تدخين "فيب" فقط.

وفي يوم 25 نوفمبر الماضي، تم القبض على منة شلبي في مطار القاهرة، بتهمة حيازة مواد مخدرة، إنها كانت في نيويورك لحضور مهرجان "انتر ناشيونال"، وأثناء عودتها للبلاد تم احتجازها في غرفة الأمن وقتها.

وتابعت منة: "وأنا في مطار القاهرة عديت على الجمارك، وكان معايا 3 شنط والدنيا كانت زحمة وأنا حطيت الشنط اللي معايا على السير علشان يتشاف فيها إيه، ولقيت واحد من اللي واقفين في الجمرك بيقولي معاكي سجارة إلكترونية، فأنا قولتله إني بدخن VAPE، وكنت بفتح الشنطة علشان أوريله الفيب، فلقيت واحد تاني جه وقالي إحنا هنفتح بقية الشنط نشوفها وأنا وافقت وقولتله اتفضل، وقعد يقلب في الشنط وبعدين أتى واحد ثالث كان بيفتش معاهم وأنا طلعت السجاير الإلكترونية وواحد منهم قالي ممكن تقعدي شوية ووداني غرفة في الجمارك قعدت فيها شوية والشنط كانت معاهم في الوقت ده".

وأكملت منة شلبي:" لقيت ناس كتير وضباط مطلعين علبة مكياج لونها أخضر بيقولولي إن دي فيها ماريغوانا فقولتله مفيش الكلام ده مش صح وده مكياج عادي بعدين لقيته بيقولي معاكي كوكايين، قولتله أنا مش بشرب الحاجات دي أصلا".