نجم الاتحاد: «لاعب الزمالك منعني من دخول النادي قبل دفع 50 ألف جنيه»
فجر محمد ريعو لاعب الاتحاد السكندري السابق، مفاجأة من العيار الثقيل حول فشل انتقاله لصفوف الزمالك موسم 2009 -2010.
وقال ريعو في تصريحات عبر برنامج "الماتش" المذاع عبر قناة "صدى البلد": "مضيت في نادي الزمالك موسم 2009-2010، وقت رئاسة ممدوح عباس".
وتابع: "وفي لاعب كبير لسه بيلعب لحد دلوقتي في الزمالك، لكني لن أذكر اسمه، وقتها قالي مش هتدخل النادي غير لما تدفع 50 ألف جنيه".
وواصل: "واللاعب دا كان بيتحكم في الزمالك من صغره ولسه بيلعب لحد دلوقتي، وهو كان معايا في معسكر المنتخب الأولمبي، وقالي مش هتدخل النادي وأقسم على ذلك".
واختتم ريعو تصريحاته: "وفعلًا حرمني من اللعب في الزمالك، رغم توقيعي واقتراب الصفقة من النهاية، علشان اللاعب كان قريب من الإدارة وصوته قوي جدًا، ولما قابلته بعد سنين قالي مش كنت دفعت الـ50 ألف جنيه".
يذكر أن الفريق الأول لكرة القدم بنادي الزمالك، يستعد لمواجهة الاتحاد السكندري، في السابعة مساء اليوم الأربعاء، ضمن منافسات الجولة الثالثة عشر من مسابقة الدوري.
