دا مش ساندوتش.. بسمة وهبة: «اللي يقولك يلا نتجوز من غير ما ندفع لصندوق الأسرة ميستاهلكيش»
قالت الإعلامية بسمة وهبة، إنه تم عقد قران حوالي 120 ألف حالة زواج، بمعدل 12 ألف عريس وعروسة يوميًا، معلقة: "دا معدل مش طبيعي".
وأضافت بسمة وهبة، خلال برنامجها: "90 دقيقة"، المذاع على قناة المحور: "كله كأنه بيلحق عرض الزواج في طابور فراخ الجمعية، ياجماعة دا زواج، يعني حب وتفاهم واتفاق وتراضي بين الأطراف والعائلات، من أجل تكوين أسرة، دا مش ساندوتش تيك أواي".
وتابعت: "الزواج سترة ونعمة وهدوء واستقرار، لكن مش الزواج ده، خلوا بالكوا الجواز السريع بينتهي بنفس السرعة، واللي يقولك يلا نتجوز من غير ما ندفع لصندوق الأسرة ميستاهلكيش".
