مفيدة شيحة تقدم نصائح للزوجات لتخطي أزمة ارتفاع الأسعار

قدمت الإعلامية مفيدة شيحة، عدة نصائح للسيدات لتخطي أزمة ارتفاع الأسعار، قائلة: "فيه جروب على فيس بوك اسمه الغالي له بديل، ده علشان اللي تلاقي فكرة أو اختراع تشاركه مع عدد من الستات يقدروا يستفيدوا منها".

وأضافت شيحة، خلال برنامجها "الستات" المذاع على قناة "النهار": " في الجروب ده، مش بس بيلاقوا بدايل لمنتجات بالجودة نفسها أو بفرق بسيط ما يفرقش، لكن بأسعار أقل، كمان بينصحوا بعض إزاي يكملوا الشهر بخطة تخليهم يجيبوا أكل مفيد ومغذي وقيمته الغذائية مهمة للأولاد وجسمهم بأقل سعر ممكن".

وتابعت: "الجروب متقسم بين نصايح ومنتجات وأسئلة، علشان تلاقي اللي بتدوري عليه بسهولة".