عمرو أديب عن كسر ماسورة الشيخ زايد: محدش فاهم إيه بالظبط اللي هيحصل

علق الإعلامي عمرو أديب، على انقطاع المياه في الشيخ زايد و6 أكتوبر، قائلا: "بقالنا يومين مفيش مياه في الشيخ زايد و6 أكتوبر، بسبب كسر في الماسورة".

وأضاف أديب، خلال حلقة اليوم من برنامجه "الحكاية" المذاع على قناة "إم بي سي مصر"،: "الماسورة المكسورة واحدة من أكبر 3 مواسير للمياه في مصر، يعني شيء ضخم جدا".

وتابع: "محدش فاهم إيه بالظبط اللي هيحصل، وفيه شركات كتير بتعمل على الكسر، وحتى الآن لم تعد المياه للمنطقة".

وواصل: "الناس قعدت عملت جروبات عشان يتكلموا على كسر المياه، وده أثر على المواطنين والنشاط الاقتصادي في المنطقة".