تعليق ناري من مرتضى منصور على وداع الزمالك لكأس مصر
علق مرتضى منصور رئيس مجلس إدارة نادي الزمالك، على توديع الفريق الأول لكرة القدم منافسات بطولة كأس مصر 2021-2022.
وودع الزمالك بطولة كأس مصر من دور نصف النهائي، بعد الخسارة من بيراميدز بركلات الترجيح في المباراة التي جمعتهما أمس الاثنين.
وقال مرتضى منصور في تصريحات عبر قناة "الزمالك": "أنا زعلان زي ملايين من جماهير الزمالك، واللي تنبأت بيه حصل، وقولت قبل كده للمترجم ينقل كل اللي بيحصل لفيريرا".
وتابع: "من فضل حضرتك يا فيريرا، كل لاعب يلعب في مركزه ولازم الفريق يكون هجومي، وبقول للجماهير إنتوا اللي عملتوا كده، لما بترفعوا في المدرجات صورة فيريرا، وسايبين رئيس النادي اللي جاب 40 بطولة".
وشدد: "فيريرا مش زي ما كان من شهرين أو 3 أشهر، ومش بيسمع لأحد، وهو سبب رحيل أسامة نبيه عن الجهاز الفني".
واختتم مرتضى منصور تصريحاته: "أسامة نبيه كان يتكلم مع اللاعبين في أحد المباريات، فيريرا زعق، فانا بقوله من فضلك اسمع للناس، وأقول للاعبين المتخاذلين، إنتوا بتلاعبوا سامسون اللي جاب 28 هدفًا، هل طبيعي وجود الزناري وعمرو السيسي على مقاعد البدلاء".
