مرتضى منصور للاعبي الزمالك: « اهجموا على الأهلي ومتخافوش هتكسبوا»
كشف مرتضى منصور رئيس نادي الزمالك، كواليس جلسته مع لاعبي الفريق الأول لكرة القدم والجهاز الفني، قبل مواجهة الأهلي في القمة.
وقال مرتضى منصور في تصريحات عبر قناة "الزمالك": "اجتمعت مع اللاعبين لمدة 10 دقايق، واختصار الكلام هنقفل الصفحة ونبدأ الدوري كأنه هيبدأ السبت، واللي فات مات بأحزانه".
وتابع: " قولتلهم صالحوا جماهيركم، والناس اللي فرحت بكم واسترجعوا مشهد الأوتوبيس واحتفالكم بالدوري، والأهلي تهجم عليه ومتخافش منهم هتكسبه، كل الأندية بتكسبه".
وواصل: "طلع التحكيم وظبط الفار وطلع السحر والشعودة واتفرج على فريقك، عواد سبب انضمامه للمنتخب تصديه لضربات الجزاء يدخل فيه 5 ضربات إزاي مش معقول".
وأوضح: "من ساعة مع اتمرنوا على استاد القاهرة العيال متلخبطة، وبيروحوا يدربوا فيه وبيعملوا ويحطوا اللي عاوزينه، عاوزين نلعب كرة ولاعب ضد لاعب ومدرب ضد مدرب".
واختتم مرتضى منصور تصريحاته: "أيوه انتم بتعملوا سحر أسود، نصحت اللعيبه يقرأوا قرآن، علشان انت بتخرج من الإعلام الفاسدـ تدخل الفار الفاسد، تدخل على التحكيم الفاسد".
