بالفيديو.. هاني شاكر لنجيب ساويرس: «ميشرفنيش إنك تسمعني»
انتقد الفنّان هاني شاكر أمير الغناء العربي ونقيب المهن الموسيقية، تصريحات رجل الأعمال نجيب ساويرس التي قال فيها إنه لا يسمع أغاني هاني شاكر ويُحب سماع أغاني المهرجانات.
وردّ شاكر، خلال مداخلته الهاتفية مع الإعلامي عمرو أديب مقدم برنامج «الحكاية» المذاع عبر فضائية «إم بي سي مصر» قائلًا: «اللى بيسمع المهرجانات مستحيل يسمع هاني شاكل، ميشرفنيش إنه يسمعني، لغة التهديد أنا لا أقبلها من كبير أو صغير، وإحنا مش داخلين نهزق في بعض، ونتطاول على بعض، وزي مهو أنا مش عاجبه هو كمان مش عاجبني».
وأكمل نقيب المهن الموسيقية: «اشمعنى المهرجان والفضيحة اللي عملها في الجونة محدش اتكلم عنها، واللي ملوش في حاجة ميتكلمش فيها، واللي بيقول أني لازم أغنّي مهرجانات عشان أنجح أحب أقوله تعالى شوف حفلة الموسيقى العربية من 10 أيام لتعرف النجاح الحقيقي».
