هاني شاكر: «هو أنا جاي النقابة اشتغل داية»
أكد الفنان هاني شاكر نقيب المهن الموسيقية على استيائه وغضبه من الرافضين لمنع مؤدي المهرجانت، وأيضًا بسبب تصريحات نجيب ساويرس، حيث قال: «لازم يسألوا قبل ما يتكلموا والأسماء اللي موجودين دول مش أعضاء نقابة فبالتالي مش من حقهم يمارسوا المهنة ولازم نبلغ كل الأماكن المختصة».
وتابع: «قانون النقابة إني أحافظ على حقوق أعضائي ومسمحش والأخ اللي بيقول انت بتهتم بالمعاشات هو أنا جاي اشتغل داية في النقابة واللي عيان اديله الدوا والمسكين اديله لقمة ايه الكلام الفارغ دة، دور النقابة إني احافظ على أعضائي والمهنة والشكل العام».
واستكمل: «ومينفعش نبقى في عصر فيه السيسي ويبقى دة الفن اللي متصدر وأنا مش بتجنى على حد محدش فيهم عضو نقابة مفيش غير شاكوش وحمو بيكا؛ وحمو بيكا امتحن وسقط وخلاص ملوش علاقة بالنقابة وشاكوش لحد ما ارتكب الجريمة اللي الأساتذة شايفين أنها عادي».
