عارفة عبدالرسول: «اشتغلت سنة كوافيرة وكلت حاجب واحدة وجريت ورايا بالشبشب»

حلت الفنانة عارفة عبدالرسول ضيفة على برنامج كلام الناس على قناة MBC مع ياسمين عز وتحدثت خلال اللقاء عن تفاصيل في حياتها قبل عملها في الفن.

وقالت عارفة: «اشتغلت في كتير جدًا، في البداية اشتغلت مع والدي في محل البقالة في اسكندرية وكنت بشتغل بجد وباخذ مرتب، وبركب العجلة واروح اجيب بضاعة، وأقطع بسطرمة وجبنة رومي».

وأضافت: «وجت فترة على والدي وقالي أنا زهقت من البقالة، وبفكر أفتح محل كوافير لكن دي مش مهنتنا فقولتله هتعلمها، وروحت اشتغلت كوافيرة لمدة سنة ولكن المشروع فشل لأننا وسط سوق الحضرة فالاقبال هيبقى صعب أوي والشكل هيكون مش مظبوط».

وتابعت: «في مرة كلت نص حاجب واحدة وجريت ورايا بالشبشب وفضلوا يخبوني وقالو لها معلش متعرفش، فقالت لهم لما هي متعرفش موقفينها تشتغل ليه؟».

وعن الأعمال الآخرى التي عملت بها قالت: «في الجامعة اشتغلت مندوبة تأمين في شركة الشرق للتأمين لأنني كنت اتعودت أصرف على نفسي ومحدش يصرف عليا».